सामाजिक सञ्जालमा Deepfake र Black PR को बढ्दो खतरा डिजिटल युगको नयाँ चुनौती जब म मोबाइल स्क्रोल गर्छु, मेरो Facebook, TikTok, YouTube Shorts र रिलहरूमा अनावश्यक फोटो, भिडियो र स्टाटसहरू आइरहन्छन्। आफूलाई मनपर्ने नेता वा चर्चित व्यक्तिको नाम र फोटो प्रयोग गरिएको उस्तै नक्कली आईडीबाट अचम्म लाग्ने स्टाटस पोस्ट गरिएको देखिन्छ। कतै कसैको चरित्र हत्या गर्ने edited तस्वीर हुन्छ, कतै अपमानजनक भिडियो, कतै भ्रामक समाचार। आज सामाजिक सञ्जालमा यस्ता सामग्री यति धेरै देखिन थालेका छन् कि सत्य र झुट छुट्याउनै कठिन हुने अवस्था सिर्जना भएको छ। Artificial Intelligence (AI) का नयाँ उपकरणहरूको प्रयोग गरेर बनाइएका फोटो, भिडियो र आवाजहरू यति वास्तविक देखिन्छन् कि धेरै मानिस सजिलै भ्रममा पर्छन्। कतिपय सामग्री views बढाउनका लागि बनाइएका हुन्छन् भने धेरै सामग्री कुनै व्यक्ति, संस्था वा राजनीतिक दललाई बदनाम गर्न केन्द्रित देखिन्छन्। आफ्ना विचार राख्ने, आफ्नो पार्टी वा नेताको समर्थन गर्ने, आलोचना गर्ने वा आफ्नो धारणा अभिव्यक्त गर्ने स्वतन्त्रता सबैलाई छ। तर सामाजिक सञ्जालको स्वतन्त्रतालाई गलत सूचना, साइबर दुर्व्य...
काठमाडौं । गण्डकी प्रदेश सरकारले चालु आर्थिक वर्षदेखि कार्यान्वयनमा ल्याएको ‘प्रदेश प्रमुख शैक्षिक सुधार कार्यक्रम’ का लागि ३४० विद्यालय छनोट गरेको छ ।
गण्डकी प्रदेश प्रमुख शैक्षिक सुधार कार्यक्रम कार्यान्वयन मापदण्ड, २०७८ ले निर्धारण गरेका कार्यक्रमका लागि प्रदेश भित्रका ३४० विद्यालय छनोट गरिएको हो ।
छनोटका परेका विद्यालयले मापदण्डले निर्देशन गरेका कार्यक्रम सञ्चालन गर्नप्रति विद्यालय दुई लाखदेखि सात लाख सम्म रकम प्रदेश सरकारले प्रदान गर्ने भएको छ ।
छनोट गरिएका २० कार्यक्रमहरू
१. प्रारम्भिक बालविकास केन्द्रमा सिकाइ सामग्री व्यवस्थापन
२. वैदिक तथा धार्मिक शिक्षा प्रदान गर्ने संस्थाहरूलाई प्रोत्साहन अनुदान
३.आधारभूत विद्यालयमा विज्ञान प्रयोगशाला सुदृढिकरण
४.विपन्न तथा न्यून सिकाइ उपलब्धि भएका (कक्षा ८–१०) विद्यार्थीहरूसँग प्रदेश प्रमुख कार्यक्रम
५. माध्यमिक विद्यालयमा विज्ञान प्रयोगशाला सुदृढिकरण
६. माध्यमिक विद्यालयमा आइसीटी ल्याव विस्तार
७. माध्यमिक विद्यालयमा गणित शिक्षा प्रयोगशाला स्थापना र विकास
८. माध्यमिक विद्यालयमा एसटीइएम ल्याव स्थापना र सञ्चालन
९. प्राविधिक धार तथा व्यवसायिक शिक्षा सञ्चालन गरेका सामुदायिक विद्यालयहरूलाई प्रयोगशाला सुदृढिकरण अनुदान
१०.सामुदायिक विद्यालयमा कक्षा ११ र १२ मा विज्ञान विषय अध्ययन गर्ने दलित तथा विपन्न विद्यार्थीसँग प्रदेश प्रमुख कार्यक्रममार्फत् छात्रवृत्ति प्रदान
११. सामुदायिक विद्यालयका उत्कृष्ट अभ्यासहरूको प्रकाश एवम् प्रसारण
१२. विद्यालयहरूमा अनलाइन अफलाइन सामग्री विकास एवम् प्रसारण व्यवस्थापन
१३. सामुदायिक क्याम्पसमा सूचना प्रविधि विस्तार
१४. पृथ्वीनारायण क्याम्पसमा जर्जजोन डिजिटल गणित प्रयोगशाला स्थापना
१५. उच्च शिक्षा पूर्वाधार विकास एवम् अनुदान प्रणालीका लागि मानक विकास
१६. रोजगारी एवम् स्वरोजगारी सृजना गर्न प्राविधिक शिक्षा प्रदान गर्ने विद्यालयहरूको प्रभावकारिता अध्ययन
१७. गण्डकी प्रदेश शिक्षा नीति २०७८ कार्यान्वयन रणनीतिक योजना निर्माण एवम् प्रकाशन
१८. गण्डकी प्रदेशको साँस्कृतिक वृत्तचित्र निर्माण एवम् प्रसारण
१९. विद्यालय एवम् क्याम्पस तहका सबै कार्यक्रम अभिमुखिकरण तयारी एवम् सञ्चालन
२०. कार्यक्रम व्यवस्थापन, अनुगमन एवम् प्रतिवेदन ।
Comments