पढाइ शुरु भयो तर बालबालिकाहरु भने होल्डिङ सेन्टरमा

 

काठमाडौंका खोला किनारामा घरटहरा बनाएर बसेकाहरूलाई अहिले विभिन्न स्थानको ‘होल्डिङ सेन्टर’मा राखिएको छ । नयाँ शैक्षिक सत्र हुँदा बालबालिका भने विद्यालय जान पाएका छैनन् 

विभिन्न स्थानमा बसोबास गरिरहेका सुकुम्वासी बस्तीका बालबालिका आफ्नो बासस्थाननजिकै रहेको विद्यालयमा पठनपाठनका लागि जान्थे । तर, सरकारले बस्ती हटाएर अन्यन्त्र सारेपछि होल्डिङ सेन्टरमा राखिएका विद्यार्थीहरूको पढाइमा बाधा परिरहको छ ।  

। काठमाडौं महानगरपालिका अनुसार, चार देखि १६ वर्ष उमेर समूहका बालबालिका अभिभावकसँगै विभिन्न होल्डिङ सेन्टरमा छन् । दशरथ रंगशालामा रहेको दर्ता केन्द्रमा दर्ता भएअनुसार हालसम्म विद्यालय जाने उमेर समूहका ५९ बालबालिका छन् ।

वैशाख १४ गते ६ बालिबालिका दर्ताका लागि आएका थिए । त्यस्तै, १५ गते १९ जना, १८ गते २३ जना, १९ गते आठजना र २० गते तीन बालबालिकाको दर्ता भएको दर्ता सेन्टरले जनाएको छ ।  

दर्ता हुन आएकाहरूलाई काठमाडौंको माछापोखरी, बोडे, चोभार, बसपार्क, सुन्धाराका होटेल, बालाजु, गोंगबुमा राखिएको छ । हालसम्म २८ सयभन्दा बढी सुकुम्वासीले नाम दर्ता गराएका छन् । यसमध्ये स्कुले केटाकेटी पनि रहेका थिए । 

शिक्षा तथा मानव स्रोत विकास केन्द्रले अव्यवस्थित बस्ती स्थानान्तरण हुँदा त्यहाँ विद्यार्थीलाई समस्या हुने हुँदा विद्यालय समायोजन तथा समन्वयलाई प्रभावकारी बनाउन विभिन्न निर्देशन जारी गरेको थियो । 

तीन विद्यालय भत्काइयो 
भक्तपुरको मनोहरा सुकुम्वासी बस्तीमा रहेको सरकारी विद्यालय पनि डोजर लगाएर भत्काइएको छ । सकुम्वासी बस्तीसँगै जोडिएको सरस्वती आधारभूत विद्यालयमा सरकारले वैशाख १६ गते डोजर चलाएको थियो । 

विद्यालयमा नर्सरीदेखि कक्षा ८ सम्म २८० विद्यार्थीहरू अध्ययन गर्दथे । विद्यालय २०६४ देखि सरकारी मान्यता पाएर सञ्चालनरत छ । विद्यालयमा  १५ शिक्षक, एकजना कार्यालय सहयोगी  र १० कक्षाकोठा थिए । 

वैशाख १९ गते बालाजुस्थित  अर्को विद्यालय पनि भत्काइएको छ । २०५३ सालदेखि सञ्चालित श्री बुद्धज्योति बाल उद्यान आधारभूत विद्यालयको भवन डोजर लगाएर भत्काइएको हो । कक्षा १ देखि ८ सम्म रहेको यस विद्यालयमा १२० बढी विद्यार्थी रहेका थिए । 

त्यस्तै, अर्को विद्यायलमा पनि शनिबार नै डोजर चलेको थियो । त्यो बाल कल्याण आधारभूत विद्यालय हो । यो नयाँ बसपार्कबाट अगाडि विष्णुमती खोला किनारमै बनाइएको थियो । यो ठाउँलाई जागृती टोल भनिन्छ ।

सहजीकरण्णका लागि महानरको आग्रह 
राधास्वामी सत्संत व्यास आश्रममा सञ्चालित होल्डिङ सेन्टरमा भएका बालबालिकाहरूलाई संस्थागत विद्यालयहरूमा आवासीय सुविधासहित निःशुल्क नियमित अध्ययनको व्यवस्थाका लागि महानगरपालिकाका कार्यवाहक प्रमुख सुनिता डंगोलले आग्रह गरेकी छन् । “नदी किनाराका अव्यवस्थित बस्ती खाली गर्ने क्रममा अहिले कीर्तिपुरस्थित राधास्वामी सत्संग आश्रममा रहेका बालबालिकाहरूलाई आवास सुविधासहित निःशुल्क अध्ययन गराउन हामीले यस्तो सुविधा भएका निजी तथा संस्थागत विद्यालयहरूबाट सहयोगको अपेक्षा गरेका छौँ,” डंगोलले भनिन् । 

सांसद तामाङ ‘होल्डिङ सेन्टर’मा 
यसैगरी आइतबार रास्वपाकी सांसद आशिका तामाङ कीर्तिपुरस्थित होल्डिङ सेन्टरमा पुगेकी छन् । सुकुम्वासी बस्तीका बालबालिकालाई विद्यालय जाने वातावरण बनाउन आग्रह गरेकी छन् । कीर्तिपुर राधास्वामी सत्संग व्यास आश्रममा राखिएका सुकुम्वासी पीडित भेटेपछि उनले सरकारको ध्यानाकर्षण गराएकी हुन्  । 

उनले कीर्तिपुरको सुकुम्वासी होल्डिङ सेल्टरमा सबैकुरा व्यवस्थापन गरिएता पनि बालबच्चाहरूको विद्यालय छुटेको र धेरैको नयाँ भर्ना सेसन छुटेको गुनासो गरेकी छन् । 

डिजिटलको दुनियाँमा च्यातिएको हाजिरी रजिष्टर बोकेर बिद्यार्थीको हाजिर गरेर जागिर खाने दिन गयो ।

अब डिजिटल हाजिर मोबाइलबाटै

तपाईलाई यो सेवा हामी उपलब्ध गराउँछौ । यो लिङ्क मा जानुस र Try गर्नुस ln.run/DR0ah

सम्पर्क 9844087012

..................................................... अन्य सेवाको लागि https://ln.run/fXx6p

shamser.info.np