वैशाख ७ गतेभित्र विवरण पठाउन विद्यालयहरूलाई केन्द्रकाे निर्देशन

काठमाडौं । शिक्षा तथा मावन स्रोत विकास केन्द्रको समावेशी शिक्षा शाखाले यहि वैशाख ७ गतेभित्र विपन्न लक्षित छात्रवृत्ति फाराम भर्ने र भराउन विद्यालयहरूलाई अनुरोध गरेको छ ।

केन्द्रले २०७८ चैत ३० गते विद्यालयहरूलाई पत्र पठाउँदै सोबारे अनुरोध गरेको हो ।चैत ३० गतेसम्म फाराम भर्ने म्याद राखी सूचना प्रकाशित गरिएको र हालसम्म विद्यालयहरूबाट विवरण आउनेक्रम जारी भएकाले सोही मितिबाट लागु हुनेगरी वैशाख ७ गतेभित्र फाराम भरेर केन्द्रको ठेगानामा पठाउन अनुरोध गरिएको छ ।