संविधान विपरीत सरकार नै असुल्छ विद्यार्थीबाट पैसा News Summary Generated by OK AI. Editorially reviewed. सरकारले विद्यार्थीबाट उठाइरहेको शुल्क गैरकानूनी रहेको शिक्षा क्षेत्रका सरोकारवाला एवं विज्ञहरूको जिकिर छ । विद्यालय सञ्चालनको लागि कुनै न कुनै रूपमा शुल्क लिन बाध्य भएको प्रधानाध्यापकहरू स्वीकार्छन् । महालेखा परीक्षकको कार्यालयले विद्यार्थीबाट विभिन्न शीर्षकमा लिइरहेको शुल्कबारे प्रश्न उठाएको छ । ३० जेठ, काठमाडौं । सानोठिमीस्थित परीक्षा नियन्त्रण कार्यालयको कम्पाउण्डमा प्रत्येक दिन विद्यार्थीको लामो लाइन लाग्छ । बिहान १० नबज्दै लामबद्ध भएका विद्यार्थी कोही प्रमाणपत्र बनाउन, कोही हराएको प्रमाणपत्रको प्रतिलिपि लिन त्यहाँ पुगेका हुन् । त्यही लाइनमा थिए, बाराबाट आएका सुरेश सुनार । उनले भने, ‘एसईईको मूल प्रमाणपत्र हराएपछि प्रतिलिपि लिन आएको हुँ । ५०० रुपैयाँ शुल्क तिरें ।’ काठमाडौं कपनबाट प्रमाणपत्र प्रमाणीकरण गर्न गएकी निरुमाया श्रेष्ठले पनि १ हजार रुपैयाँ राजस्व बुझाइन् । प्रमाणपत्र सच्याउन सल्यानबाट आएका कमल चन्दले पनि ५०० राजस्व बुझाए । ‘शुल्क लाग्छ भनेपछि तिर्नै पर्यो नि’ उनी...
विहीबार, १२ पुस २०८०
गतिविधि
शिक्षाको कार्यालयमा छुटेका नागरिकता र पासपोर्टको चाङ (नाम सहित)
चाङ लगाएर राखेको नागरिकता, पासपोर्टमा भएको नाम र ठेगाना शाखाको अनुमतिमा उतारेका छौं ।
विहीबार, १२ पुस २०८०6Shares
भक्तपुर - विदेश अध्ययनको अनुमति लिन सानोठिमी पुगेका युवायुवतीले छाडेको नागरिकता र राहदानीको चाङ बढ्दै गए पनि खोज्न आउनेको संख्या शुन्य छ ।
शिक्षा विज्ञान तथा प्रविधि मन्त्रालयको वैदेशिक अध्ययन अनुमति शाखामा सेवा लिन गएका युवायुवतीले अनुमति लिनको लागि सक्कली कागज देखाएकै ठाउँमा छाडेर हिँड्ने गरेका छन् । पछिल्लो केही महिना यता शाखामा थुप्रिएको नागरिकता र पासपोर्टको संख्या बढेको छ ।
शाखामा थुप्रिएको नागरिकता र पासपोर्ट कसको हो ? भनेर एडुखबरले केलाएको छ । शाखाका एउटा कोठाको दराजमा चाङ लगाएर राखेको चाङमा एक सय तीन जनाको नागरिकता र १६ जनाको पासपोर्ट छ ।
‘सक्कली कागज देखाए पछि एनओसीको काम पुरा हुन्छ’ शाखा प्रमुख शान्तिराम पौडेलले भने ‘एनओसी पाएको खुसीमा नागरिकता, पासपोर्ट र अरु कागजपत्र छाडेर जाने गरेका छन् । तर, खोज्न फर्केर आउँदैनन् ।’
यसरी छाडेको नागरिकता, पासपोर्ट, एटिएम कार्ड, मतदाता परिचयपत्र, शैक्षिक प्रमाणपत्र सुरक्षित राखेको उनले बताए । दराजमा चाङ लगाएर राखेको नागरिकता, पासपोर्टमा भएको नाम र ठेगाना शाखाको अनुमतिमा हामीले उतारेका छौं । यसको उद्देश्य एउटै हो – नागरिकता, पासपोर्ट जस्ता अति महत्वपूर्ण कागजात हराएपछि व्यक्तिले भोग्नु पर्ने हैरानीबाट उन्मुक्ति मिलोस् !
हेर्नुहोस् ककसका कागजात छुटेका छन् :
6Shares
सम्बन्धित खबर
- भर्खरै
- प्रचलित
![शिक्षक नभएको विद्यालयमा प्रविधि मार्फत पढाइने [प्रधानमन्त्रीको सम्बोधन सहित ]](https://www.edukhabar.com/media/news/pm_sambodhan_2080_09_10_vzi0oFCPbJ.png)
प्रतिक्रिया